Alerta laranxa por temporal costeiro na Coruña e Pontevedra

A Xunta activou para este venres a alerta laranxa por temporal costeiro no litoral das provincias da Coruña e Pontevedra.

Suspéndese a actividade deportiva federada no mar durante todo o día de mañá nos concellos afectados por este temporal.

Segundo a Axencia Estatal de Meteoroloxía (Aemet), o fenómeno meteorolóxico adverso estará activo desde a próxima medianoite no noroeste e oeste da Coruña, e estenderase ás primeiras horas da mañá ao suroeste da costa da Coruña e ao litoral de Pontevedra por vento do sur ou suroeste de ata forza 9 e ondas de ata seis metros.

Na Mariña lucense, o nivel do aviso será amarelo. A Xunta lembra a importancia de manterse afastado da liña de costa e que se extremen as medidas de seguridade á hora de realizar calquera actividade no mar.