Alertan da presenza dun niño xigante de 'velutina' en Lugo

Ten arredor de medio metro de diámetro. Así é o tamaño do niño xigante de avespa velutina  detectado no barrio de Rosende, ás aforas da cidade de Lugo. Os residentes na zona sinalan que as avespas lles mataron milleiros de abellas das súas colmeas.

En Rosende xa levan sufrido varios ataques por parte dos insectos. De feito, mesmo criaron no interior dunha vivenda a través dunha tubaxe.

Os veciños aseguran que levan semanas advertindo as autoridades da presenza deste niño xigante. Pero, polo momento, o problema aínda non foi resolto.

Mentres os niños non sexan retirados, non volverá a tranquilidade a este lugar.

Os avespóns asiáticos atacan as persoas que pasan a carón