As análises das augas residuais da Coruña detectan un grande aumento da variante ómicron

A sexta vaga reactivou a medición de carga viral nas augas da Coruña, e as novas que CovidBens acaba de facer públicas preocupan. 

Segundo os datos recollidos ata o pasado día 16, a variante ómicron xa representa case un 30 por cento do coronavirus presente na cidade. A realidade é que a día de hoxe aínda pode ser máis.

As previsións indican que a curva seguirá subindo e que en apenas unha semana, ómicron será xa a variante predominante. 

Hoxe a área sanitaria da Coruña e Cee chega aos 459 contaxios, son 53 máis ca onte, que elevan ata os 3.325 a cifra de positivos.