As primeiras prohibicións da lei europea de IA entran en vigor este domingo
As primeiras prohibicións da lei europea de IA entran en vigor este domingo
As empresas enfróntanse a mutas de ata 35 millóns, ou un 7% da cifra anual de negocio, se incumpren o Regulamento europeo de intelilxencia artificial
Estas prohibicións incumben a todas as empresas
Irase aplicando paulatinamente ata 2 de febreiro de 2027, cando xa estará en vigor na súa totalidade
O regulamento europeo sobre intelixencia artificial (IA) ten como obxectivo fomentar o desenvolvemento e a implantación responsable desta ferramenta. O regulamento europeo entrou en vigor o 1 de agosto na UE, pero será este domingo cando se inicie a aplicación das primeiras prohibicións; son prohibicións a determinadas prácticas, que a norma de Europa cualifica como de "risco inaceptable" para os dereitos fundamentais.
Prohibicións que entran en vigor o 2 de febreiro
A lei europea de IA prohibe o seu uso para recoñecer emocións nos postos de traballo e o da biometría para categorizar persoas. Así, non se permitirá o uso de dispositivos ou aplicacións de IA que usen técnicas subliminares dirixidas a influír no comportamento de persoas, que se aproveiten das vulnerabilidades, que sirvan para categorizar individuos ou para identificalos a través da biometría, entre outros.
Estas prohibicións incumben a todas as empresas, pero non a todas por igual. Nesta primeira fase, as do sector de seguridade e analítica, de recursos humanos ou entidades deportivas serán as máis afectadas, explica o presidente da comisión sobre IA da patronal da industria tecnolóxica Ametic, Enrique Serrano.
Por exemplo, non se poderá usar a IA para coñecer se un traballador "está motivado no traballo", saliente Serrano
Este domingo entra en vigor o Capítulo I da lei, disposicións xerais, e o capítulo II ,prácticas prohibidas.
O resto de preceptos irán sendo de aplicación en varias fases ata chegar ao 2 de febreiro de 2027, cando xa estará en vigor na súa totalidade.
En apenas dous anos, calquera tipo de IA de uso laboral deberá ser "explicable, transparente, controlada por humano e deberá superar auditorias de riscos e de calidade".
