Belén Toimil segue sendo a raíña do lanzamento de peso español

Belén Toimil segue a ser a raíña indiscutible do lanzamento de peso en España. Proclamouse campioa por terceiro ano consecutivo, cun mellor lanzamento de 17 metros e 80 centímetros. 

Toimil non atopou rivais de entidade. Mónica Borraz quedou a case dous metros da mugardesa (15,98) para acadar a prata e Ane Torres, con 14.05, levou o bronce. 

Presente nos últimos Xogos Olímpicos, Belén Toimil estivo lonxe da súa mellor marca acadada xusto antes da cita olímpica, con 18,80, récord de España.