Betanzos volve acoller unha carreira solidaria para axudar persoas con esclerose múltiple

Será unha carreira cuxo obxectivo é sensibilizar a poboación sobre esta enfermidade, con moita incidencia en Galicia, e buscará recadar fondos para axudar as persoas que a sofren e as súas familias. Ademais da competición propiamente dita, haberá actividades de animación, como zumba ou dj.

No Galicia en Goles conversaron con Sonia García Erias, presidenta de ACEM.

"É a segunda edición e agardamos máis participación que o ano pasado, que coincidía coa carreira da muller na Coruña.  O ano pasado xuntamos en Betanzos máis de 300 persoas e recadamos 1.700 euros. Agardamos mellorar estas cifras. Seguimos en Betanzos porque o Concello dá moitas facilidades e porque Chopín, que é o que organiza todo, é de alí. O que se recade irá destinado a manter os servizos de fisioterapia, psicoloxía e asesoramento aos pacientes e ás súas familias".