Bryan Gil substituirá a Lamine Yamal na selección española

Bryan Gil, extremo do Xirona, foi citado polo seleccionador Luis de la Fuente para ocupar a praza que deixa por lesión Lamine Yamal para os dous últimos partidos da fase de grupos da Liga das Nacións que España disputa en Dinamarca e diante de Suíza en Tenerife.

A lesión de nocello que sofre Lamine Yamal, que lle impediu xogar co Barcelona na visita a Anoeta, acabouno apartando da selección española. Tamén perdera o derradeiro partido oficial ante Serbia. Yamal non viaxou a Madrid para ser revisado polos doutores da selección española despois da conversa entre os médicos do club e da selección. Nun principio, Yamal estará fóra dos terreos de xogo dúas semanas. 

As outras novidades na convocatoria son Samu Omorodion, Aitor Paredes e Marc Casadó ademais dos regresos de Dani Olmo, Nico Williams e Yeremy Pino. Clasificada para os cuartos de final da Liga das Nacións e a falta dun punto para certificar o primeiro posto.