Casado carga contra extremos e aposta por un goberno en solitario en Castela e León

Os baróns do PP xuntáronse para analizar a vitoria de Alfonso Fernández Mañueco en Castela e León.

Algúns como o murciano ven claro que, a pesar de contar cunha maioría insuficiente, non hai alternativa ao goberno en solitario. Para Fernando Miras, "o Partido Popular sacou un resultado que o faculta para gobernar en solitario".

Menos tallante, a madrileña Díaz Ayuso abríase a pactar con Vox e pedía non escoitar a esquerda. Isabel Díaz Ayuso dixo que "o único que lle podo recomendar, se me preguntan, é que non escoite ao sanchismo".

De portas a para dentro, Pablo Casado defendía dialogar con todos, pero defendía as súas liñas vermellas: "temos límites para pactar e para acordar, os nosos principios son as nosas condicións, e non imos renunciar a eles nunca".

Principios entre os que citou a igualdade de oportunidades que permitiron romper, dixo, o  teito de cristal das mulleres. Sen citar a Vox, Casado dixo que o doado sería sumarse ás estratexias de confrontación, pero di que o PP non busca arrastrar o malestar contra ninguén nin acepta tutelas morais desde o radicalismo.

Non nos enganemos, dixo Casado. "Hai quen equivocan as súas prioridades e están máis preocupados por substituír o PP que por cambiar este mal Goberno".

Casado non se referiu á posibilidade de romper con Vox alí onde gobernan a cambio dunha abstención do PSOE en Castela e León, como este martes insinuou o candidato socialista.