Chamosa e Navarrete acadan medalla no Campionato de España de atletismo
Chamosa e Navarrete acadan medalla no Campionato de España de atletismo
Antía Chamosa acadou a prata nos 10 km marcha
Ester Navarrete logrou o bronce na proba dos 5.000 metros
![](https://img-g24-crtvg.flumotion.com/prog24/2023/20230730/Navarrete.jpg)
Dúas medallas para o atletismo galego na xornada do sábado do campionato de España que se está a celebrar na localidade valenciana de Torrent.
Na sesión de noite o éxito foi para Ester Navarrete. A galega acadou a medalla de bronce nos 5.000 metros cunha marca de 16:45:15, a cinco segundos da gañadora, Marta García, e a só tres da prata.
![](https://img-g24-crtvg.flumotion.com/prog24/2023/20230730/Chamosa.jpg)
Na xornada de mañá Antía Chamosa fixérase coa prata nos 10 quilómetros marcha coa súa mellor marca da temporada. A atleta do S. G. Pontevedra acabou cun tempo de 45:39, a 37 segundos da gañadora María Pérez.
A xornada do domingo pode ser propicia para o atletismo galego coa participación de Carmen Sánchez Parrondo na xavelina, Belén Toimil en lanzamento de peso, Ana Peleteiro no triplo salto ou Adrián Ben nos 800 metros.