Comezan as obras do centro de saúde de Vilagarcía de Arousa, cun investimento de 19 millóns
O novo centro sanitario estará rematado para 2027 e terá dous andares e máis de 50 consultas
Alfonso Rueda asistiu ao inicio dos traballos e reivindicou o compromiso do Goberno galego coa Atención Primaria
En Vilagarcía comezaron as obras do novo centro de saúde. O presidente da Xunta asistiu ao inicio dos traballos e reivindicou o compromiso do Goberno galego coa Atención Primaria.
Alfonso Rueda asegurou que lle están dedicando moito esforzo "aos servizos fundamentais, aos máis importantes, e todo o que está arredor, como son infraestruturas, tecnoloxías e formación do persoal". Neste sentido, Rueda reclamoulle ao Gobenro Central "quen ten a responsabilidade, que colabore tamén con nós, coas comunidades autónomas".
O futuro centro de saúde terá dous andares e máis de 50 consultas. Estará rematado para 2027 e nel a Xunta vai investir 19 millóns de euros.
