España gáñalle o primeiro duelo a Portugal antes de enfrontarse en Balaídos
As de Montse Tomé impuxéronse por 2-4 en Paços de Ferreira en partido correspondente á Liga das Nacións
A selección española feminina impúxose a Portugal (2-4) no primeiro partido que xogan os dous equipos na fase de grupos da Liga das Nacións. Patri Guijarro adiantou a España no Estadio Capital do Móvel de Paços de Ferreira. Pero aos dous minutos Catarina Amado aproveitou un grave erro na saída de Cata Coll para empatar.
Xusto antes do descanso Laia Alexandri e Claudia Pina marcaron dous goles que puxeron unha diferenza cómoda para as españolas (1-3). Na segunda metade Carole Costa aproveitou un penalti para presionar no marcador pero foi Esther González a que marcou o definitivo 2-4 redondeando o triunfo no treito final.
O vindeiro martes, ás 19:00 horas, os dous equipos volverán a xogar desta volta con España como local no estadio Municipal de Balaídos.
