Jessica Bouzas pasou por Galicia antes de liderar a selección española na Billie Jean King

Non temos moita oportunidade de vela por Galicia, pero este venres sorprendemos a Jessica Bouzas xogando ao tenis cun grupo de alumnos do Club de Oleiros. A número 58 do mundo compartiu tempo cos máis pequenos do concello facendo o que máis lles gusta a todos. En dous días viaxa á República Checa para xogar a Billie Jean King Cup coa selección española.

España medirase co Brasil o próximo venres e o sábado coas anfitrioas. Jessica prognostica un torneo difícil pero atractivo co que seguir medrando profesionalmente. Aos seus 22 anos, Jessica Bouzas asume con tranquilidade e un sorriso todo o que está por vir.