O Baxi recibe o aplauso de todo o pobo de Ferrol
Centos de seareiros reuníronse na Praza de Armas para homenaxear ao equipo que puxo a cidade departamental no mapa europeo do baloncesto ao acadar o subcampionato da Eurocup Women
Recoñecemento ás subcampioas da Eurocup Women no serán do venres no Concello de Ferrol. O Baxi non deixa de recibir eloxios polo seu traballo na pista. Alí foron recibidos polo alcalde José Manuel Rey e a corporación que quixeron recoñecer a excelente andaina do equipo na competición europea.
Desde as oito da tarde a festa istaurouse na praza de Armas onde a afección celebrou o subcampionato do seu equipo. As de Lino López, aínda espertando do soño europeo, terán que centrarse a partir de agora na Liga e na clasificación para os play-off polo título. Este sábado haberá derbi na Malata entre o Baxi e o Celta Zorka que se xoga a permanencia.
