Espectacular recibimento da afección ao Baxi Ferrol
Ademais o Concello de Ferrol instalou unha pantalla xigante no Cantón de Molíns para seguir o duelo de volta da final da Eurocopa
Espectacular recibimento da afección ao Baxi Ferrol hora e media antes de chegar ao pavillón no que se xoga o partido definitio
Estivemos cos primeiros afeccionados do Baxi que chegaron a Villeneuve, serán uns 200 os que esta tarde apoien desde a bancada no Palacium da localidade gala
O Concello de Ferrol instalou unha pantalla xigante no Cantón de Molíns para seguir o duelo de volta da final da Eurocopa feminina de baloncesto, no que o Baxi Ferrol medirase en Francia ao conxunto do Villeneuve d'Ascq.
O encontro comezará ás 20:30 onde o cadro universitario terá que remontar o 75-78 adverso da cita de ida, disputada este pasado mércores no pavillón ferrolán da Malata.
O consistorio convidou á cidadanía para acudir á céntrica alameda ferrolá, onde xa haberá ambiente de animación ao equipo preparado por Lino López desde dúas horas antes do inicio do compromiso.
