Sufridas vitorias do Guardés e do Porriño para seguir no máis alto
O equipo do Baixo Miño impúxose na pista do Elxe por 18-19
O Porriño, coa trasfega europea, conseguiu a vitoria diante do Beti Onak (22-21)
Conservas Orbe Zendal Porriño e Mecalia Guardés conseguiron dúas sufridas vitorias na Liga de balonmán feminino. As porriñesas gañáronlle ao Beti Onak por 22-21 nun partido marcado polo trafego europeo do cadro galego que viña dunha viaxe a terras eslovacas. Malia o desgaste físico sacaron adiante un partido moi complicado e manteñen a pelexa pola cuarta posición.
No máis alto da clasificación vai continuar unha xornada máis o Mecalia Guardés despois de impoñerse na difícil pista do Elxe por 18-19. As defensas foron protagonistas dun partido moi duro resolto no treito final a prol dun Mecalia que ocupa a primeira praza con 40 puntos, catro máis que o Málaga e dez de vantaxe sobre o Bera Bera.
