O Mecalia Guardés afianza o liderado cunha remontada sobre o Aula Valladolid (26-23)

O Atlético Guardés camiña con paso firme nesta fase regular da Liga Guerreiras. Gañoulle ao Valladolid 26-23 tras protagonizar unha remontada incrible. Ao descanso perdía por 9-13.

Mellorou o ataque nun segundo tempo no que fixo 17 goles, con Pauli Fernández e Elena Amores como máximas anotadoras locais, con seis tantos.

O Mecalia mantense á fronte da táboa con catro puntos de vantaxe sobre o Málaga, despois de gañar 19 partidos no que vai de Liga, e de conceder unha única derrota.