O Baxi queda ás portas de celebrar a Eurocup despois de perder en Francia 84-70
O Villeneuve foi superior ao cadro ferrolán dominando o partido desde o primeiro cuarto
Gran traxectoria europea dun Baxi Ferrol que superou todas as previsións
Minuto a minuto
Xornada histórica para o baloncesto galego. Desde as 20:30 horas veremos en directo na G2 e Agalega.gal o partido entre o Villeneuve e o Baxi Ferrol no que precisan remontar os tres puntos de vantaxe que colleitou o equipo francés no partido de ida (75-78).
Vai principiar o encontro na pista do Villeneuve!!!
Bola ao aire, partido en xogo
Comeza forte o Villeneuve, cun parcial de 7-0
Dúas triplas seguidas de Shavonte Zellous poñen o 13-3 no marcador e Lino López pide tempo morto
Millán e Joiner atinan desde a tripla pero Leite comeza a quecer o pulso. Gaña o Villeneuve por 17-10
Intercambio de canastras, os dous equipos anotan con facilidade (23-16)
Remata o primeiro cuarto co resultado de 23-18. Chegou o Villeneuve a ter un +10 (13-3)
Novo tempo morto que pide Lino López porque volve estar nove arriba o Villeneuve (29-20) despois dun parcial de 6-0
Agora é o Villeneuve o que pide o tempo morto despois dun 0-4 do Baxi (32-24)
Chegamos ao descanso coa máxima vantaxe do primeiro tempo: 42-30. Atrancos en ataque para un Baxi que precisa a achega de Melia, Mataix ou Millán
Ferrol non quita o ollo da emisión da G2 para empurrar o Baxi. Seguen crendo nas posibilidades de remontar no segundo tempo
Consegue a máxima vantaxe o Villeneuve (48-30) e reacciona o Baxi cunha tripla de Mestres e unha canastra de Pospisilova (48-35)
Volve a irse o Villeneuve que asenta a diferenza nos 16 puntos (57-41)
Tripla de Leite e máxima vantaxe do Villeneuve no partido (60-41). Pide tempo Lino López que vai trocar a defensa
Remata o terceiro cuarto cun 66-50. Precisa unha fazaña o Baxi para recuperar 19 puntos no último cuarto
Que partidazo de Shavonte Zellous. Cunha tripla (5/5) ponse con 23 puntos e coloca o 71-52 no marcador
Parcial de 0-6 do Baxi e tempo morto local. A diferenza segue a ser ampla pero aínda hai tempo para reaccionar (71-58)
Últimos minutos do partido. Gaña Villeneuve 79-60
Entra a xogadora de 16 anos Baldonedo no Baxi. Último minuto. O título queda na pista do Villeneuve
Final do partido. O Villeneuve, campión da Eurocup ao gañar por 84-70
