O Liceo precisa remontar dous goles para entrar na Final a Catro da Champions
O equipo de Juan Copa xoga este xoves na pista do Barcelos despois da derrota 4-6 na ida (22:30 horas, G2 e Agalega.gal)
O Liceo terá que completar un partido perfecto para entrar na Final a Catro da Champions de hóckey a patíns. O equipo coruñés xoga a volta dos cuartos de final na pista do Barcelos despois do 4-6 que conseguiu o equipo portugués hai unha semana na Coruña.
O cadro do norte de Portugal estivo moi efectivo e amosou a súa gran calidade. Desde o comezo da Champions amosou a ambición de estar na semifinal, priorizando a competición europea mesmo por riba da potentísima competición portuguesa.
O Liceo buscará facer un partido moi serio, non tan aberto como na ida, e chegar con opcións de eliminatoria para os últimos minutos do encontro. Para iso terán que recuperar a súa mellor versión defensiva e ser moi eficaces en ataque.
