Martín de la Puente métese por primeira vez en semifinais do Open de Australia
Martín de la Puente métese por primeira vez en semifinais do Open de Australia
Xogará co gran favorito ao título, o actual número un do mundo e campión olímpico en París, o xaponés Tokito Oda
Tamén estará en semifinais no cadro de dobres
O tenista español Martín de la Puente xa está en semifinais do torneo de cadeira do Open de Australia despois de superar en cuartos de final ao xaponés Daisuke Arai por 6-3 e 6-2. De la Puente, terceiro cabeza de serie do torneo, impuxo a súa condición de favorito ante o xaponés e cimentou a súa vitoria no seu acerto ao servizo e, sobre todo, ao resto, xa que aproveitou catro das sete bólas de break que tivo para selar o seu pase por primeira vez ás semifinais do Grand Slam australiano.
Unhas semifinais nas que o vigués xogará co gran favorito ao título, o actual número uno do mundo e campión olímpico en París, o xaponés Tokito Oda, que accedeu a semifinais tras arrasar ao seu compatriota Takashi Sandada por 6-1 e 6-0.
EN SEMIS DEL @AustralianOpen
— Martin de la Puente (@tindelapuente) January 22, 2025
Gran día de tenis en #Melbourne, ya estamos en las semis de individual y de dobles
Muchas gracias por vuestro apoyo
VAMOS CON TODO!!!@ITFTennis @EnXogo_tvG2 @crtvg @lavozdegalicia @AtlanticoDiario @Farodevigo @MarcaTMF @diarioas @sport @EFEnoticias pic.twitter.com/owVg1sDRja
De la Puente tamén estará en semifinais no cadro de dobres de tenis en cadeira, onde forma parella co neerlandés Ruben Spaargaren, tras superar no seu partido de cuartos de final á dupla formada polo estadounidense Casey Ratzlaff e o xaponés Takashi Sandada por un dobre 6-4.
