A selección feminina recibirá a Portugal en Balaídos o 8 de abril
Será a primeira vez que o equipo nacional feminino xogue no estadio vigués
A selección feminina recibirá á de Portugal o próximo 8 de abril no estadio Balaídos en partido da cuarta xornada da liga de Nacións, informou a Real Federación Española de Fútbol (RFEF).
Será a primeira vez que o equipo nacional feminino xogue no estadio vigués e vaino facer no derbi ibérico ante o cadro luso, ao que visitará catro días antes no estadio Capital do Movel de Paços de Ferreira.
Tenemos una gran noticia que contaros...
— Selección Española Femenina de Fútbol (@SEFutbolFem) February 27, 2025
😍 ¡El España-Portugal se disputará en Vigo!
🏟️ Será la primera vez que la Selección Absoluta juegue en el Estadio de Balaídos
🗓️ 8 de abril
ℹ️ https://t.co/wkAmfl8hNR pic.twitter.com/dR9l0Aaswq
Portugal lidera xunto a Inglaterra o grupo A3 da liga de Nacións. Ambas suman catro puntos, un máis que España, que na estrea na presente edición remontou ante Bélxica en Valencia (3-2) e caeu este mércores en Wembley ante o conxunto inglés (1-0).
Os encontros ante o equipo luso cobran unha especial relevancia para as dúas seleccións e principalmente para España no seu intento de defender a coroa da liga de Nacións.
