Continúa a maldición de España contra Alemaña (2-0)

Sete partidos contra Alemaña e ningunha vitoria. Continúa a maldición de España contra o país teutón, que aproveitou o pouco que xerou para impoñerse por 2-0 no Brentford Community Stadium e deixa a España condenada a loitar polo segundo posto do Grupo B.

As rapazas de Jorge Vilda xogarán o pase aos cuartos de final contra Dinamarca na última xornada. Alemaña acudirá ao partido contra Finlandia co primeiro posto xa sentenciado.

Un erro de Sandra Paños e un córner mal defendido por España afundiron a selección, que, por xogo, mereceu máis, pero á que lle faltou pegada e contundencia nos últimos metros.