O Deportivo reencóntrase coa vitoria en Valencia (0-2)

O Deportivo sumou tres puntos vitais no choque de pechacancelas da liga F tras bater ao Valencia cun sólido 0-2, de forma que o equipo galego decide ao seu favor a cita aprazada desde principios de novembro por mor da DINA. 

😌 Para empezar bien el 2025, primero tienes que ver el último resumen de 2024, escrito queda#LigaF

— Liga F (@LigaF_oficial) December 18, 2024

O primeiros vinte minutos xogos foron de dominio valenciano coas consecutivas chegadas de Mariña Marti, Ainhoa Alguacil e Aída Esteve, con todo, o Deportivo tomou o mando na recta final da primeira parte e asustou á chilena Antonia Canles coas ocasións de Ainhoa Marín e de Millene Cabral. 

A tendencia positiva do cadro galego viuse reflectida ao comezo da segunda metade e a primeira liña albiceleste seguiu xerando na área rival. 

Así, no minuto 54, unha falta de Marta Carro a Ainhoa dentro da área deu ao Depor a oportunidade de abrir distancias desde o punto de penalti e aínda que Millene errou o seu lanzamento, a dianteira non perdoou no rexeite e situou o 0-1 no 55. 

O Valencia buscou rapidamente o empate pero non houbo maneira de dobregar a unha Inés Pereira que salvou ao equipo cun paradón a un remate de Aida Esteve ao que lle seguiu un gol anulado da estadounidense Phoenetia Browne (m.60).  

O conxunto valenciano apurou as súas opcións por medio de Alguacil, Martí e Tamarit, con todo, faltou o acerto que si atopou Bárbara Latorre, que tras substituír a Millene por lesión, converteuse na heroína do Deportivo ao confirmar o triunfo cun gol no tempo de desconto. 
Tras recibir o pase en profundidade de Ana de Teresa, a ex internacional con España non errou no seu lanzamento desde o centro da área e colocou un 0-2 co que o Dépor rompe unha serie negativa de catro derrotas consecutivas. 

Pola súa banda, o Valencia queda ancorado na última praza con só dous puntos na súa marcadora aínda que é certo, aínda queda por disputar o derbi valenciano, tamén aprazado pola DINA.