Para Fran Alonso o partido do Deportivo en Valencia é "unha final"

Non pode errar hoxe o Dépor. Porque aínda que falten 18 xornadas para que finalice a tempada, a marxe de erro redúcese cada vez máis.

O equipo viaxou onte, e hoxe ás 20.30 horas saltará ao céspede do Antonio Puchades cun claro labor: gañar e engancharse á loita pola salvación.

Como afirmou Fran Alonso na rolda de prensa previa ao encontro, é unha “final”, para unhas e para outras.

"Polo feito de onde están non imos crer que é un partido doado, será moi difícil".

"Confiamos no que estamos facendo. Hai que intentar impoñer o noso xogo".

Enfróntanse dous equipos nos que o problema co gol comeza a ser preocupante.