Detido o dono da axencia de viaxes da Coruña denunciado por migrantes que quedaron sen vooo

A Policía Nacional detivo o propietario dunha axencia de viaxes da Coruña por supostas estafas aos seus clientes.

Fontes policiais confirmaron que o home foi detido este martes e que a investigación continúa aberta.

Decenas de persoas afectadas denunciaron unha suposta estafa, xa que abonaron o pago dos seus billetes de avión -a maior parte para viaxar a países de Latinoamérica- e non se emitiron, polo que non puideron viaxar.

A maioría de clientes desta axencia son migrantes que residen na Coruña e que querían pasar o Nadal nos seus países de orixe.