Os emigrados festexan o seu regreso a Esgos

E Esgos celebra hoxe a súa festa do emigrante. Unha cita caracterizada, sobre todo, pola súa curiosa oferta gastronómica.

Hai charanga, hai bebidas e polbo. Pero o máis agardado é o arroz con leite.

Hoxe serviranse mil racións desta sobremesa que a todos nos trae recordos da infancia.

Quizais por iso, polo que ten de nostálxico, o arroz con leite cadra tan ben con este evento.

Unha celebración coa que Esgos abre ademais as festas de San Vítores, que van durar toda a fin de semana.