Unha cadela e unha galiña axudan a aprender inglés no colexio Cluny de Vigo

Os animais e os nenos adoitan levarse ben e non é raro aproveitar esa boa relación no ensino. No colexio Cluny de Vigo desenvolven unha destas experiencias dúas veces ao ano cunha cadela e unha galiña.

A cadela chámase Utopía e a galiña, que está adestrada case coma se fose outro can, Paupeta. Participan en actividades cos nenos e nenas na clase de inglés. Os rapaces toman conciencia sobre o benestar animal e pásano bárbaro, pero o obxectivo principal é motivalos para que aprendan.