España afronta a Nations League con Luis de la Fuente cuestionado

A selección española masculina xoga este xoves a semifinal da Nations League ante Italia. Terceiro partido de Luis de la Fuente á fronte do combinado nacional. O técnico non poderá contar con Dani Olmo para o partido, o xogador sufriu molestias musculares e será baixa polo menos para o xoves.

Quen tivo que abandonar a concentración da selección por lesión foi Juan Bernat. De clasificarse España para a final do domingo, xogará ante o vencedor da outra semifinal: Países Baixos-Croacia. Luis de la Fuente parece xogar o seu futuro, pero Dani Carvajal mostraba a súa confianza no seleccionador.