Falece en Arousa aos 72 anos o escultor César Lombera

O escultor César Lombera Moret morreu este domingo aos 72 anos de idade. Unha das súas obras máis icónicas é a das irmás Fandiño, As dúas Marías, situada na Alameda de Santiago.

Tamén son coñecidas a estatua de Valle-Inclán, da praza Méndez Núñez de Pontevedra, e a do Marqués de Sargadelos en Ribadeo.

Lombera naceu en Barakaldo no 1953, pero trasladouse a Vilagarcía de Arousa coa súa familia aos dez anos. Vivía e tiña o seu estudio en Catoira. Hoxe faleceu tras unha longa enfermidade.