Garcés: "Persoalmente, ilusióname moito a posibilidade de Europa"

O director de fútbol do Celta, Marco Garcés, admitiu este mércores que a posibilidade de que o equipo vigués xogue esta tempada para competición europea ilusiónalle "moito a título persoal", deixando claro que a idea segue sendo sumar os maiores puntos posibles.

"Queremos ser ambiciosos, ir partido a partido e ter os máximos puntos posibles", sostén.

E aínda que se tería que falar con Claudio Giráldez, non cre que o equipo cambiase moito en caso de conseguilo, senón que a súa idea sería confiar nos mesmos futbolistas, dando continuidade á aposta pola canteira porque "expoñelos a unha situación así podería ter moitos beneficios".

Nun breve repaso aos asuntos da actualidade do club, revelou que Marcos Alonso chegou ao número de partidos establecidos para a súa renovación automática, pero dado que esta é só por un ano, xa empezaron falar para prolongar a súa vinculación máis aló.

En canto ás renovacións dos xogadores que acaban contrato, caso de Sergio Carreira, incide en que deben esperar.

"Hai moitos cedidos que regresan e temos que entender cales son o noso orzamento e as nosas necesidades puntuais dentro do esquema táctico para saber a quen podemos renovar ou non".

Xa empezaron a falar cos representantes tanto do vigués como de Alfon González. Non é algo que estea preto, pero "vai por bo camiño".