Williot Swedberg segue á marxe do grupo
Claudio Giráldez xa contou co internacional Óscar Minguez, pero non co sueco Carl Starfelt
O atacante sueco Williot Swedberg volveu a exercitarse á marxe do grupo na sesión de adestramento deste mércores, na que o técnico do Celta, Claudio Giráldez, xa contou co internacional español Óscar Mingueza.
O futbolista nórdico segue sen recuperarse da rotura fibrilar sufrida no bíceps femoral dereito e está practicamente descartado para o próximo compromiso ligueiro contra a U. D. Palmas, que tamén se perderá Mingueza ao ter que cumprir ciclo de tarxetas amarelas.
Á espera de que se incorpore o internacional sueco Carl Starfelt, que disputou os 90 minutos do partido amigable contra Luxemburgo, Giráldez contou no adestramento desta mañá co central do filial Yoel Lago.
O equipo do Celta descansará mañá, xoves, e retomará os adestramentos o vindeiro venres na cidade deportiva Afouteza, onde continuará preparando o partido contra a U. D. As Palmas.
