Giuliano Simeone conduce ao Atlético á semifinal de Copa (5-0)
O fillo do adestrador marcou dous goles no primeiro cuarto de hora
Paseo triunfal do Atlético de Madrid no que tamén marcaron Lino, Correa e Sorloth
O Atlético demostrou toda a ambición que ten por acadar esta Copa no partido de cuartos de final diante do Xetafe. Poderoso no remate, rápido no contragolpe, intenso ... Dous goles de Giuliano Simeone no primeiro cuarto de hora deixaron afundido a un equipo de Bordalás que buscaba aguantar ese inicio fulgurante pero acabou totalmente superado.
Samuel Lino puxo o 3-0 antes do descanso e no trámite do segundo tempo no Metropolitano marcaron Correa e Sorloth. Foi a 19ª vitoria nos últimos 21 partidos do Atlético co derbi diante do Real Madrid que se vai xogar o sábado no Bernabeu no horizonte.
5 - Atlético de Madrid: Musso; Molina, Le Normand, Giménez, Javi Galán (Azpilicueta, m. 60); Giuliano (Gallagher, m. 60), De Paul (Riquelme, m. 80), Koke, Lino; Griezmann (Sorloth, m. 73) e Julián Alvarez (Correa, m. 60).
0 - Getafe: Letácek; Juan Iglesias (Ismael, m. 73), Domingos Duarte, Alderete (Luca, m. 73), Bernat; Peter Federico (Juanmi, m. 46), Terrats, Yellu, Álex Sola (Álex Pérez, m. 46); Uche e Bertug (Mayoral, m. 46).
Goles: 1-0, m. 8: Giuliano. 2-0, m. 16: Giuliano. 3-0, m. 42: Lino. 4-0, m. 78: Correa. 5-0, m. 86: Sorloth.
