Google celebra o seu 25 aniversario
Google celebra o seu 25 aniversario
O xigante de Internet, agora coñecido coma Alphabet, presta hoxe tantos servizos que se converteu nunha ferramenta practicamente indispensable no día a día
É unha das grandes revolucións do s. XXI. Os que naceron despois de Google non conciben outro xeito de acceder á información.
"Métodos habería, pero non sería tan directo, seguramente", comenta un mozo. "Buscarían información preguntándolle a xente coñecida, digo eu, non sei", di outro. "Imaxino que tirarían de artigos, de revistas...", engade unha moza.
Atrás quedan as xornadas maratonianas de biblioteca e as enciclopedias que no século XX presidían os estantes dos salóns.
"Tardabas moito máis tempo. Tamén era máis auténtico, quedábache dentro. Máis proveitoso", asegura un home.
Non foi o primeiro buscador, pero rapidamente varreu a competencia coa súa innovadora proposta.
Arno Formella, director de Enxeñería Informática de Ourense: "O famoso algoritmo de Page Rank, no seu momento, axudou a colocar as cousas interesantes arriba nas buscas, e iso foi un gran invento".
Saíu a bolsa en 2004, seis anos despois do seu lanzamento. Logo viñeron os mapas, as ferramentas colaborativas como o Google Drive, o correo electrónico ou o popularísimo Street View.
