Histórica estrea do Leyma Coruña na ACB cunha vitoria diante do Real Madrid
Histórica estrea do Leyma Coruña na ACB cunha vitoria diante do Real Madrid
Unha tripla con adicional de Barrueta a dous segundos do final propiciou a única vantaxe coruñesa en todo o partido (86-85)
O Leyma Coruña acadou unha histórica vitoria diante do Real Madrid (86-85) grazas a unha tripla con adiciónal de Barrueta a dous segundos do final. Foi a única vantaxe do cadro coruñés en todo o partido e permitiulle a un Coliseum ateigado de público festexar por todo o alto.
O Leyma competiu con moita dignidade desde o primeiro cuarto. O Real Madrid levou o mando do partido con Musa e NDiaye amosando as feituras da liga ACB pero os coruñeses agarrábanse ao encontro (16-22) e chegaron ao descanso sete puntos abaixo (37-44). O acerto de Llull (14 puntos no intermedio) era respostado por un sensacional Jakovics (8 puntos e 2 triplas no segundo período).
Un 0-6 ao comezo do terceiro cuarto (37-50) parecía racharo partido pero o Leyma nunca baixou os brazos e conseguiu meterse de cheo xusto antes do remate (60-63). No último cuarto o Real Madrid dominaba pero sen irse nunca por riba dos dez puntos. O Leyma creu no triunfo e mantivo a intensidade ata o final. Púxose a un punto (82-83) e conseguiu a fazaña cunha incrible tripla con adicional de Barrueta.
