Hugo Rama volve ao Deportivo despois de sete temporadas
Hugo Rama volve ao Deportivo despois de sete temporadas
O cadro coruñés completa o centro do campo con Pablo Muñoz, procedente do Raio Vallecano
O centrocampista de Sigüeiro Hugo Rama ocupa a ficha que deixa libre Isi Gómez. Trátase dun vello coñecido para a afección deportivista porque xogou no cadro branco e azul cando era xuvenil e os dous primeiros anos como sénior no Deportivo B (agora Fabril).
Rama marchou do Deportivo en 2017 e asinou co Lugo. Os dous primeiros anos estivo cedido en Segunda B, no Cerceda e no Mirandés co que fixo unha gran campaña. Iso permitiulle quedar no Anxo Carro a partir de 2019. En xaneiro de 2022 marchou ao Oviedo, equipo do que procede.
Pablo Muñoz, un sub-23 que chega do Raio Vallecano
O Deportivo tiña claro que a posición a reforzar neste último día de mercado era o centro do campo. O mediapunta Pablo Muñoz tamén foi asinado desde o Raio Vallecano. Muñoz destacou no xuvenil do club madrileño e o ano pasado ascendeu co filial a 2ª RFEF.
