Ian Mackay: "Un playoff non ten nada que ver cun partido de liga"

Ian Mackay insistiu este mércores na necesidade de que o Deportivo chegue nas mellores condicións físicas e mentais para unha fase de ascenso en que se xogará toda a tempada.

Foi claro sobre o playoff que chega:

"Non ten nada que ver cun partido de liga. Son 180 minutos, e, se somos fortes en casa, obteremos un bo resultado para o partido de volta, pero nada estará decidido".

Neste sentido, recoñeceu que o labor dos futbolistas máis veteranos, como el debe ser "axudar aos máis novos a entender que son partidos máis longos e que os pequenos detalles marcarán a diferenza para se logramos o ascenso ou non. Hai que darlle importancia a cada balón e que cada mínimo detalle acábese inclinando do noso lado", explicou.

Mackay referiuse á importante baixa de Alberto Quiles:

"Sabemos que é un xogador moi importante, un sinónimo de gol. No campo asusteime moito cando se lesionou. Oxalá podamos dedicarlle o ascenso".

O gardameta do Deportivo recoñéce que ten "moitas ganas de que chegue o domingo"para enfrontarse ao Castellón, pero, avisa, "tamén hai que saber acougar nervios e saber chegar a estes partidos. Desde o punto de vista persoal teño moitas ganas de que chegue este partido e irnos contentos de Riazor", sinalou.