Iano segue a petar na porta do primeiro equipo

O lateral esquerdo Iano Simao (non pode alternar co primeiro equipo porque non é sub23) segue a petar con forza na porta do primeiro equipo. Seu foi o gol que lle deu un empate ao Fabril no campo do Raio Cantabria (1-1). 

O filial deportivista realizou un gran partido e mereceu mellor sorte. Mágoa de non aproveitar ese tanto inicial de Iano (minuto 36) e que cinco minutos máis tarde Mateo empatara cun gran lanzamento desde fóra da área. 

No segundo tempo as mellores opcións foron para o cadro coruñés pero non tivo tino para anotar o segundo gol.