Jacobo Garrido queda quinto e bate o récord de España

A primeira opción galega de medalla acabou en nada. Pero Jacobo Garrido estivo a piques de facelo. O nadador coruñés rozou a terceira posición en varios treitos dos 400 metros libres, pero rematou de quinto. Final moi apertada, co galego a 88 centésimas do podio.

Comezaba ben o galego, que nos primeiros 100 metros ía cuarto. O terceiro estaba moi preto e por momentos as posicións non estaban claras, pero íanse sumando novos nadadores, que apertaban para apurar as súas opcións.

Nos últimos 20 metros, o coruñés perdeu outro posto, e malia que apertou, non foi quen de adiantar postos. Só 88 centésimas separaron ao galego dunha medalla. Esta mesma tarde, nunhas horas, outro galego, Juan Ferrón, terá outra oportunidade na piscina parisiense.