Susana Rodríguez Gacio proclámase campioa de Europa por quinta vez

A triatleta viguesa Susana Rodríguez Gacio segue ampliando o seu extenso palmarés de triunfos. A deportista con discapacidade visual proclamouse onte campioa de Europa por quinta vez, primeira co seu actual guía, Sara Pérez, apenas unhas semanas despois de conquistar o seu segundo título paralímpico.

"Campioas de Europa baixo a choiva hoxe en Vichy! O meu quinto título —o primeiro xunto a Sara Pérez!—. Grazas por este setembro inesquecible! Que bonito compartilo con Annouck Curzillat-Julie Marano e Anja Renner-Maria Paulig!", escribiu a través das redes sociais en referencia ás súas competidoras que subiron ao segundo e ao terceiro caixón do podio. Rodríguez Gacio asinou un tempo de 1.04.43, case 50 segundos de vantaxe sobre a francesa Curzillat e volveu mostrar a súa superioridade no circuíto do paratríatlon internacional.

🥇Campeonas de Europa bajo la lluvia hoy en Vichy! Mi 5into título (el primero junto a Sara Perez!). Gracias 🇫🇷 por este septiembre inolvidable! Que bonito compartirlo con Annouck Curzillat-Julie Marano y Anja Renner-Maria Paulig! ❤️💪🏻 pic.twitter.com/mfCF1Mfr9C

— Susana Rguez. Gacio (@srgacio) September 22, 2024

Susana Rodríguez está en disposición de gañar o mundial en Benidorm o mes que vén e asinar un triplete histórico.