Atopan droga nun portacontedores maltés atracado no porto de Vigo

A Garda Civil e o Servizo de Vixilancia Aduaneira (SVA) rexistran desde o mediodía deste martes un mercante con bandeira de Malta atracado no porto de Vigo, despois de que se achase droga no seu interior. A investigación comezou tras o aviso do propio capitán do mercante, que notificou ás autoridades que había uns vultos sospeitosos nunha das adegas.

O portacontedores atracara esta mesma mañá, ás 08:30 horas, na terminal de contedores de Guixar. O Izmit Express, nome polo que se coñece este barco, saíra do porto colombiano de Cartaxena o pasado 8 de novembro. 

Horas despois do aviso, confirmouse que a mercadoría era de cocaína mais non a cantidade exacta achada. De momento, a Garda Civil e os axentes do SVA seguen a rexistrar o portacontedores de máis de 187 metros de eslora e 35 de manga.