Javier Guerra chama a crear en Galicia o Silicon Valley da moda
Javier Guerra chama a crear en Galicia o Silicon Valley da moda
O empresario e exconselleiro é o novo presidente do Clúster do Téxtil e da Moda
Presentou o novo plan estratéxico, que prevé un investimento de 16 millóns de euros nos próximos tres anos
O empresario e ex conselleiro de Industria Javier Guerra é o novo presidente de Cointega- Clúster do Téxtil e da Moda de Galicia tras ser elixido na asemblea que se celebrou este mércores en Santiago. Javier Guerra substitúe a José Antonio Conde, que estivo no cargo 40 anos.
Na asemblea, a patronal galega do téxtil presentou o seu plan estratéxico, que prevé un investimento de 16 millóns de euros nos próximos tres anos. O sector marca como retos para "reinventarse" a innovación, a sostibilidade, a cooperación, a formación e o talento e a internacionalización.
Na clausura, Javier Guerra chamou a crear en Galicia un Silicon Valley da moda e do téxtil: "aproveitando que temos o Apple do sector (Inditex)". Instou a reforzar os lazos coas empresas do norte de Portugal. Nese acto o presidente da Xunta Alfonso Rueda comprometeu o apoio do seu goberno ao téxtil, "fundamental para a marca país".
