José Luis Mateo non continúa no Obradoiro

José Luis Mateo concluirá esta tempada a súa etapa como director xeral do Monbus Obradoiro. O madrileño incorporouse ao club en 2012 e completou once tempadas á fronte da dirección executiva e deportiva da entidade na liga Endesa.

"O club quere agradecerlle a súa profesionalidade e compromiso en cada unha das tempadas e a súa implicación no crecemento do club desde que chegou en 2012 e poder seguir escribindo así a historia do obradoirismo. Desexámoslle toda a sorte no seu futuro profesional e persoal", sinala o Obradoiro nun comunicado