Kevin Presa "Mereciamos un resultado coma este"

 Tras unhas semanas con bo xogo pero sen que os resultados acompañasen, o Rácing de Ferrol foi quen de regresar á senda do triunfo en Irún, cun contundente cero a tres que valorou na zona mixta do campo vasco o galego Kevin Presa.

"Mereciamos un resultado coma este. Viñamos facendo as cousas moi ben. Mantemos a boa liña fóra da casa. Marcamos cedo e axudou, logo David anotou o segundo. Unha das nosas fortalezas é non dar ocasións ao rival. Hoxe tivemos un chisco  de sorte de marcar na primeira que tivemos. O equipo mantivo seriedade"

Kevin Presa falou da situación clasificatoria e deste remate de ano.

"Sabiamos que tocaría sufrir. Ían diante de nós e estamos contentos. Creo que pode que esteamos no mellor momento, nunha liña ascendente. Temos marxe para mellorar máis. É importante seguir e que os resultados sigan chegando"