Lautaro fai de Messi nun grupo en que se clasifican Arxentina e Canadá

Sen Lionel Messi no equipo titular pero con Lautaro Martínez en estado de graza. O dianteiro do Inter de Milán marcou os dous goles que lle deron a vitoria a Arxentina diante do Perú e certificaron a súa clasificación para os cuartos de final con pleno de puntos na primeira fase. 

Acompañará á albiceleste a sorprendente Canadá. O equipo norteamericano aguantou as acometidas de Chile e acadou o empate que precisaba (0-0) para avanzar á seguinte rolda.