Lembramos os primeiros pasos na interpretación de Xavier Deive
A familia de Xavier Deive recolleu o premio de honra Marisa Soto da man dos seus compañeiros da Asociación de Actores e Actrices de Galicia
Deive deu os seus primeiros pasos no mundo da actuación na Escola de teatro de Narón, o seu concello natal co nome de Xabier de Fornos
No espectáculo Sede de mal, ironizaba onda Luís Iglesia sobre a súa tendencia de interpretar personaxes escuras
Entregáronse xa os premios de teatro María Casares. A montaxe Iribarne arrasou con 9 dos 12 galardóns aos que aspiraba. Tamén houbo premios para "O dragón de ouro" de Sarabela, "Os contos de Lobicán" de Redrum, e "Monstros" de Excéntricas. A título póstumo, Xavier Deive recibiu o Premio de Honra Marisa Soto, que concede a Asociación de Actores e Actrices de Galicia, da que el foi presidente entre 2019 e 2021.
Deive naceu en Narón en 1970 e faleceu en Santiago o ano pasado. Foi técnico e actor de cine, teatro e televisión. Recuperamos nos arquivos os seus primeiros pasos na actuación. Xavier Deive ou Xavier de Fornos, como se alcumou nos inicios, foi moi máis que o "malo" oficial na producción audiovisual galega.
