Cargando resultados...
María Chivite, investida presidenta de Navarra en segunda votación
María Chivite, investida presidenta de Navarra en segunda votación
Rexistráronse 21 votos a favor de Chivite, 20 en contra e 9 abstencións
G24.gal
15/08/2023 17:25
Última actualización 15/08/2023 17:39
A socialista María Chivite foi investida este martes presidenta de Navarra ao lograr a maioría simple na segunda votación celebrada no Parlamento Foral ás 17:20 da tarde, 24 horas despois da primeira.
Chivite recibiu 21 votos a favor (11 do seu grupo, aos que sumou os dos socios do seu futuro Executivo: 7 de Geroa Bai e 3 de Contigo-Zurekin) e 20 en contra (15 de UPN, 3 do PPN e 2 de Vox).
Rexistráronse 9 abstencións, que se corresponden coa posición política anunciada por EH Bildu.
A votación foi secreta, por orde alfabética e por papeletas.
María Chivite é a primeira muller presidenta que revalida a confianza cidadá e lidera dous gobernos en Navarra.
