Mingueza, concentrado cunha selección española da que cae Bryan Zaragoza
O dianteiro do Osasuna tivo que deixar a convocatoria cun problema muscular
Bryan Zaragoza, cun problema muscular, converteuse na terceira baixa dos xogadores convocados por Luis de la Fuente para a disputa dos cuartos de final da Liga das Nacións diante dos Países Baixos. O dianteiro do Osasuna engádese a Íñigo Martínez e Marc Casadó, postos que foron cubertos por Huijsen e Aleix García. Zaragoza ten un problema no muslo dereito que sufriu no partido do pasado domingo no Sadar.
O seleccionador decidiu reducir a lista inicial nun xogador e non chamará a ninguén para cubrir a baixa de última hora. A ampla presenza de dianteiros con Lamine Yamal, Nico Williams, Yeremy Pino, Dani Olmo, Ayoze Pérez, Ferran Torres, Morata, Samu Omorodion e Mikel Oyarzabal, fan que o técnico considere que a posición está cuberta dabondo.
🙌🏼 Nos encanta salir con este griterío…
— Selección Española Masculina de Fútbol (@SEFutbol) March 17, 2025
¡¡Empezamos el primer entreno con frío, pero con el calor de la grada!!#VamosEspaña | #NationsLeague pic.twitter.com/nWy6Wxr4k4
A selección española, co xogador do Celta Óscar Mingueza, xa ten os 26 convocados en Las Rozas preparando o dobre enfrontamento diante dos Países Baixos. O 20 de marzo coa ida de Roterdam e a volta tres días despois en Valencia.
