Morre un veciño do Valadouro de 89 anos e unha muller queda ferida leve nun accidente de tráfico en Alfoz

Tráxico accidente de tráfico este domingo pola tarde. Ocorreu na estrada LU-160, á altura do quilómetro 17,850, no termo municipal de Alfoz, partido xudicial de Mondoñedo.

Un choque que circulaba ás 17:41 horas desta tarde de domingo pola estrada que vai de Mondoñedo a Ferreira do Valadouro foise fóra da vía pola marxe dereita, caeu por un pequeno desnivel e acabou nunha leira, segundo informa a Garda Civil.

A consecuencia do accidente morreu o condutor de vehículo e quedou ferida leve a muller que viaxaba de acompañante no outro asento dianteiro do vehículo.

A vítima mortal é un veciño do Valadouro de 89 anos.

Ata o lugar do accidente desprazouse a Garda Civil e tamén os servicios de emerxencias sanitarias.