Morren catro civís nun ataque con mísiles contra Kharkiv atribuído ao exército ruso

Un ataque con cinco mísiles antiaéreos S-300 e S-400 contra a cidade ucraína de Kharkiv, atribuído ás forzas rusas, deixa cinco civís mortos, segundo informaron a Forza Aérea ucraína e a administración militar rexional da zona.

Tres dos falecidos morreron ao alcanzar un dos mísiles un edificio de cinco andares no que tamén sufriron feridas de diversa consideración 25 persoas.

A outra vítima mortal faleceu ao impactar un mísil nunha infraestrutura industrial de dúas plantas, segundo informou o xefe da Administración Militar da rexión de Kharkiv, Oleg Siniegúbov.

Durante a pasada madrugada as forzas rusas tamén atacaron a rexión de Kíiv cun mísil Iskander-K e con drons kamikaze Shahed que foron derrubados na súa totalidade polas defensas aéreas ucraínas, segundo o parte ofrecido pola Forza Aérea de Ucraína.