Mouriz: "Cando Ignacio Rivera e o seu grupo entran, non é para proxectos pequenos"
Mouriz: "Cando Ignacio Rivera e o seu grupo entran, non é para proxectos pequenos"
Mouriz prioriza o club e formar un grupo comprometido como o actual por riba das individualidades
Pasiño a pasiño, sen renunciar a nada. Así propón Carlos Mouriz o novo Rácing de Segunda.
"Cando Ignacio Rivera e o seu grupo entran, non é para proxectos pequenos. Non son proxectos cun tope final".
Un Rácing que medre arredor dun referente principal no plano deportivo: Cristóbal Parralo, para quen non aforra loas.
"Cristóbal é unha universidade de valores, de humildade. É un luxo contar con el".
Tocante ao equipo, toca planificar. Algún dos xogadores importantes, caso de Héber Pena, rematan contrato. Outros, como Carlos Vicente ou Luis Chacón, son obxecto de desexo no mercado.
Mouriz prioriza o club e formar un grupo comprometido como o actual por riba das individualidades. Na súa opinión, esta foi a chave do éxito.
