Mella dispara pero o Nástic aguanta (1-1)
Mella dispara pero o Nástic aguanta (1-1)
O canteirán adiantou o Deportivo, pero os tarraconenses empataron cun gol de Pablo Fernández
Parreño, decisivo con dúas grandes paradas
Os dous primeiros da 1ª RFEF empataron e todo segue igual á fronte da categoría. Un partido que non defraudou e que demostrou a ambición tanto do Nástic como do Deportivo por acadar o ascenso (1-1).
O Nástic tardou catro minutos en dar un serio aviso cunha cabezada de Pablo Fernández que salvou Germán Parreño cunha grande intervención.
O Deportivo tentaba baixar as revolucións do partido e o equipo local facía unha gran presión e ía á procura de ataques rápidos. Así viñeron as aproximacións de Marc Fernández ou Mula. Polo medio a lesión do central do Nástic Óscar Sanz.
Do pouco que fixo en ataque na primeira metade o cadro deportivista un centro de Lucas Pérez ao que non chegou Barbero. Foron 25 de moita intensidade pero o ritmo do partido era imposible de manter e foi decrecendo no treito final da primeira metade.
O segundo tempo comezou co gol do Deportivo. Mella meteu presión, recuperou, recibiu o pase de Barbero e marcou. Tinguido de azul e branco o xogador xuvenil marcaba o 0-1.
Conseguiu o cadro coruñés neutralizar os ataques do Nástic ata o minuto 78, cando Pablo Fernández rematou un centro á área.
Aínda habería un susto máis para o conxunto coruñés, pero, ao igual que na primeira xogada do partido, apareceu unha man salvadora de Parreño para salvar o empate.
